ذرائع ابلاغ کے بارے میں وزیراعظم کے معاون خصوصی افتخاردرانی نے کہاہے کہ یوم آزادی یوم یکجہتی کشمیر کے طورپرمنایاجائے گا۔
ایک پیغام میں انہوں نے کہاکہ پاکستان تحریک انصاف مقبوضہ کشمیر کے عوام کے ساتھ اظہاریکجہتی کے لئے آج (بدھ) لیاقت باغ راولپنڈی سے ڈی چوک اسلام آباد تک ایک ریلی نکالے گی۔ریلی فیض آباد سے ہوتی ہوئی سینٹورس مال اورپھرڈی چوک پہنچے گی۔افتخاردرانی نے معاشرے کے تمام طبقوں سے تعلق رکھنے والے لوگوں سے اپیل کی کہ وہ کشمیریوں کے ساتھ اظہاریکجہتی کے لئے ریلی میں شرکت کریں۔
