تحریک مزاحمت کے چیئرمین بلال صدیقی نے کہا ہے کہ بھارت کی جانب سے کشمیر کے مسئلے کو دہشتگردی سے جوڑنے کیلئے مسلسل بیانات اور کوششیں تاریخی حقائق مسخ کرنے کے مترادف ہیں اور کشمیر سے متعلق عالمی وعدوں سے آنکھیں چرانے کا سوچا سمجھا منصوبہ ہے۔ سری نگر میں ایک بیان میں بلا ل صدیقی نے کہا کہ کشمیریوں کی اپنے حق خودارادیت کے حصوں کیلئے جدوجہد مقامی سطح کی ہے کیونکہ بھارت نے انسانی خواہشات کے برعکس کشمیر پر تسلط قائم کررکھا ہے۔ انہوں نے کہا کہ کشمیر عالمی سطح پر تسلیم شدہ تنازعہ ہے اور اقوام متحدہ نے اس حوالے سے متعدد قراردادیں منظورکی ہیں۔