پاکستان میں آسٹریلیا کی ہائی کمشنر مارگریٹ ایڈمسن نے کہا ہے کہ ہر شعبہ زندگی میں خواتین کے لئے مساوی مواقع سے دونوں اصناف کے لئے متوازن مواقع کی راہ ہموار ہو گی۔خواتین کے بین الاقوامی دن کے موقع پر ریڈیو پاکستان کے خبروں اور حالات حاضرہ چینل سے ایک انٹرویو میں انہوں نے کہا کہ خواتین کو مساوی مواقع کی فراہمی سے انہیں انتظامی اور فیصلہ سازی کے عہدوں سمیت مختلف شعبوں میں آگے بڑھنے کا موقع ملے گا۔آسٹریلوی ہائی کمشنر نے کہا کہ کوئی ملک اس وقت تک ترقی نہیں کر سکتا جب تک اس کی خواتین معیشت میں اپنا کردار ادا نہ کریں۔