آزادجموں وکشمیرکے صدرسردارمسعودخان نے زوردیاہے کہ بھارت کے زیرقبضہ جموں وکشمیر میں نسل کشی اور انسانیت کے خلاف جرائم کے خاتمے کے بغیرخطے میں امن واستحکام کا قیام ناممکن ہے۔کراچی میں نویں انٹرنیشنل میری ٹائم کانفرنس سے خطاب کرتے ہوئے انہوں نے کہاکہ یہ ہرایک کی اخلاقی ذمہ داری ہے کہ وہ کشمیری عوام کے خلاف وحشیانہ مظالم کے خلاف آوازاٹھائے۔انہوں نے عالمی برادری پرزوردیاکہ وہ بھارت کے لاکھوں ہندوئوں کی جموں وکشمیر کے متنازع علاقے میں ناجائزمنتقلی اورآبادکاری روکنے کے لئے آگے آئے۔سردارمسعودخان نے پاک بحریہ کو ایک بارپھرکثیرالقومی مشق ''امن دوہزاراکیس'' کی میزبانی پر مبارکباددی۔انہوں نے کہاکہ پاکستان امن پریقین رکھتا ہے اوریہ مشق اس کی قیام امن کی کوششوں کا منہ بولتاثبوت ہے۔