مقبوضہ کشمیر میں کل جماعتی حریت کانفرنس کے چیئرمین سید علی گیلانی نے مقبوضہ وادی میں خفیہ دھماکوں کو بھارت کی منظم سازش قرار دیا ہے۔
سرینگر میں ایک بیان میں انہوں نے پراسرار دھماکوں میں ضلع کپواڑہ کے علاقے Drugmulla میں پندرہ سالہ لڑکے سہیل احمد کی شہادت کے واقعہ اور ضلع پلوامہ کےعلاقے کا کاپورہ میں درجنوں افراد کے زخمی ہونے پر سخت تشویش اور غصے کا اظہار کیا ہے۔
ادھر بھارتی فوجیوں نے ضلع بارہمولا کے علاقے رفیع آباد میں محاصرے اور تلاشی کی کارروائی شروع کردی ہے۔
بھارت کے آئین کے آرٹیکل پینتیس اے اورتین سوسترکے تحت مقبوضہ کشمیرکی مسلم اکثریتی آبادی کواقلیت میں بدلنے کے مذموم بھارتی عزائم کے خلاف آج مسلسل دوسرے روزبھی مکمل ہڑتال ہے۔
