تعلیم کے بارے میں خیبرپختونخوا کے وزیراعلیٰ کے مشیر ضیا اللہ بنگش نے کہا ہے کہ حکومت صوبے میں معیار ی تعلیم کی فراہمی کے لئے ٹھوس اقدامات کررہی ہے۔
ان خیالات کا اظہار انہوں نے آج ضلع اورکزئی قبائل میں مختلف سکولوں کے اپنے دورے میں کیا۔
ضیا اللہ بنگش نے کہاکہ ضلع اورکزئی میں عملے کی حاضری کی نگرانی کے لئے آزاد نگران یونٹ بھی قائم کئے جائیں گے۔
انہوں نے قبائلی علاقوں میں امن کی بحالی کےلئےسکیورٹی فورسز کی کوششوں کی تعریف کی۔
اس موقع پر وزیراعلیٰ کے مشیر نے علاقے میں نئے تعمیر کئے گئے ایک کالج اور تین سکولوں کا افتتاح کیا۔
انہوں نے اورکزئی میں ایک کیڈٹ کالج کے قیام کا بھی اعلان کیا۔
