امریکی وزیر خارجہ ریکس ٹلرسن نے کہا ہے کہ خطے میں قیام امن کے لئے ان کے ملک کے پاس مشرق وسطیٰ کے حوالے سے منظم منصوبہ ہے۔انہوں نے یہ بات آج عمان میں اردن کے وزیر خارجہ ایمن صفادی کے ساتھ ایک نیوز کانفرنس سے خطاب کرتے ہوئے کہی۔ریکس ٹلرسن نے کہا کہ ایران اور اس کی حمایت یافتہ فورسز کو شام سے واپس بلالینا چاہیے کیونکہ امریکہ کو ایران اور اسرائیل کے درمیان محاذ آرائی سے شدید تحفظات ہیں۔ریکس ٹلرسن نے کہا کہ امریکہ اپنے نیٹو اتحادی ترکی کے ساتھ کشیدگی میں کمی کے طریقوں پر غور کرے گا۔