سینٹ میں قائد حزب اختلاف شہزادوسیم نے کہا ہے کہ گزشتہ روز ایوان زیریں سے پارلیمانی روایت کے مطابق مالیاتی ضمنی بل کثرت رائے سے منظور کیا گیا جس سے یہ تاثر ردہوگیا کہ یہ بلڈوز کردیا گیا۔
وہ آج سینٹ میں قائد حزب اختلاف سید یوسف رضا گیلانی کی جانب سے اٹھائے گئے نکات پر اظہار خیال کررہے تھے۔
شہزاد وسیم نے کہا کہ حزب اختلاف کی جماعتیں بذات خود تیرہ مرتبہ عالمی مالیاتی فنڈ کے پاس گئیں اور وہ عوام کو دھوکہ نہیں دے سکتیں۔
انہوں نے کہا کہ آج عوام کو جو مسائل در پیش ہیں اس کی ذمہ دار گزشتہ حکومتیں ہیں۔
پارلیمانی امور کے وزیر مملکت علی محمد خان نے کہا کہ یہ منتخب نمائندوں کی ذمہ داری ہے کہ پارلیمنٹ کے تقدس کو مستحکم اور یقینی بنایا جائے۔
بعد میں کورم پورا نہ ہونے پر ایوان کا اجلاس پیر کی سہر پہر تین بجے تک ملتوی کردیا گیا۔
