سوئٹزر لینڈ میں عالمگیریت کے مخالفین مظاہروں کے لئے دارالحکومت برن کی شاہراہوں پر نکل آئے اور رواں ماہ عالمی اقتصادی فورم میں امریکی صدر ڈونلڈٹرمپ کی مجوزہ شرکت کے خلاف احتجاج کیا۔مظاہرین نے برن پارلیمنٹ کے سامنے پر امن مارچ کیا انہوں نے ہاتھوں میں پلے کارڈ اٹھا رکھے تھے جن پر سرمایہ دارانہ نظام کا کوئی مستقبل نہیں جیسے نعرے درج تھے۔سوشل میڈیا پر ایک آن لائن پیغام بھی ڈال دیا گیا ہے جس میں ڈونلڈٹرمپ سے کہا گیا ہے کہ سوئٹزر لینڈ آمد پر ان کا استقبال نہیں کیا جائیگا۔ڈونلڈٹرمپ نے گزشتہ ہفتے اعلان کیا تھا کہ وہ ڈیووس میں عالمی اقتصادی فورم میں شرکت کریں گے۔