وزیرداخلہ احسن اقبال نے کہا ہے کہ ملک میں امن وامان کی صورتحال میں نمایاں بہتری آئی ہے اور حکومت ترقی کے ثمرات عوام تک پہنچانے کیلئے پر عزم ہے۔انہوں نے ان خیالات کا اظہار نارووال میں پاسپورٹ اور نادرا آفس کا سنگ بنیاد رکھنے کی تقریب سے خطاب کرتے ہوئے کیا۔وفاقی وزیر نے کہا کہ مارچ میں سینیٹ کے انتخابات کا انعقاد ایک آئینی تقاضا ہے۔انہوں نے تمام ریاستی اداروں پر زور دیا کہ وہ ملک میں پائیدار امن واستحکام یقینی بنانے کیلئے اتحاد اور ذمہ داری کا مظاہرہ کریں۔