پنجاب اسمبلی کی نشست پی پی 168پرآج (جمعرات) ضمنی انتخاب کیلئے پولنگ جاری ہے۔یہ نشست پاکستان مسلم لیگ (ن) کے رہنما خواجہ سعد رفیق نے خالی کی تھی۔پولنگ صبح آٹھ بجے سے شام پانچ بجے تک کسی وقفے کے بغیر جاری رہے گی۔اس نشست پرپاکستان مسلم لیگ (ن) کے امیدوار رانا خالد قادری ایڈووکیٹ اور پاکستان تحریک انصاف کے امیدوار ملک اسد علی کھوکھرمدمقابل ہیں۔پاکستان پیپلزپارٹی نے ضمنی انتخاب میں مسلم لیگ (ن) کی حمایت کااعلان کیاہے۔