بلوچستان کے وزیر اعلیٰ نواب ثناء اللہ زہری نے کہا ہے کہ خصوصی افراد کی بحالی اور انہیں روز گار کی فراہمی حکومت کی اولین ذمہ داری ہے۔انہوں نے کوئٹہ میں خصوصی افراد کے ایک وفد سے گفتگو کرتے ہوئے کہاکہ موجودہ حکومت نے ملازمتوں میں خصوصی افراد کے کوٹے میں اضافہ کیا ہے ۔وزیر اعلیٰ نے محکمہ سماجی بہبود کو پورے صوبے میں خصوصی افراد کی مکمل معلومات اکٹھی کر نے اور ان کی بحالی کیلئے تجاویز مرتب کر نے کی ہدایت کی ۔