وزیر اطلاعات نے اسلام آباد میں یورپی یونین کے سفیر سے گفتگو کرتے ہوئے کہا ہے کہ پاکستان یورپی یونین کے ساتھ اپنے تعلقات کو انتہائی قدر کی نگاہ سے دیکھتاہے۔
انہوں نے کہا کہ حکومت ملک میں ترقی، انسانی حقوق کے تحفظ اور قانون کی حکمرانی کے مقاصد کے حصول کے لئے کوشاں ہے۔فوادچودھری نے کہا حکومت سمجھتی ہے کہ اظہار رائے کی آزادی بنیادی آئینی حق ہے اورملک میں ذرائع ابلاغ کو مکمل آزادی حاصل ہے۔وفاقی وزیر نے کہا کہ حکومت نیا پاکستان بنانے کے لئے اپنے اصلاحاتی ایجنڈے پر عملدرآمد کیلئے پُرعزم ہے اور سیاحت کو فروغ دینا اور بدعنوانی کا خاتمہ اس ایجنڈے کاحصہ ہیں۔