بھارت کے زیر قبضہ جموں وکشمیر میں کل جماعتی حریت کانفرنس نے جمعے کے روز مکمل ہڑتال کی اپیل کا اعادہ کیا ہے۔کل جماعتی حریت کانفرنس کے ترجمان نے ایک بیان میں اس بات پر افسوس کا اظہار کیاکہ مودی کی حکومت نے بھارت کے غیرقانونی زیرقبضہ جموںو کشمیر کے بے گناہ عوام کے خلاف جنگ شروع کررکھی ہے تاکہ ان کے آزادی کے حصول کے جذبات کو دبایا جائے۔انہوں نے اقوام متحدہ کے سیکرٹری جنرل پر زور دیا کہ وہ بھار ت کے غیرقانونی زیرقبضہ جموں و کشمیر میں بدترین مظالم کا سلسلہ رکوانے کیلئے سنجیدہ اقدامات کریں۔
