امریکہ میں پاکستان کے سفیر اسد مجید خان نے کہاہے کہ کشمیر کے بارے میں بھارت کے یکطرفہ اقدامات سے علاقائی امن کو سنگین خطرات لاحق ہوگئے ہیں۔
فاکس نیوز کو انٹرویو میں انہوں نے کہا کہ مسئلہ کشمیر یکطرفہ طورپر حل نہیں ہوسکتا کیونکہ یہ گزشتہ ستر سال سے اقوام متحدہ کے ایجنڈے پرموجود ہے۔
پاکستانی سفیر نے کہا کہ اشتعال انگیزی بھارت کی طرف سے کی گئی ہے جبکہ پاکستان خطے میں امن چاہتا ہے لیکن بھارت اس کے جذبے کا مثبت انداز میں جواب نہیں دے رہا۔
انہوں نے عالمی برادری پر زور دیا کہ وہ مسئلے کے حل کےلئے ثالثی کرے۔