Saturday, 24 August 2019, 04:33:47 pm
ایم ایل ون منصوبے کی تعمیرنو سے ٹرین کے نظام کو بہتر بنانے میں مدد ملے گی، شیخ رشید
August 13, 2019

فائل فوٹو

ریلوے کے وفاقی وزیر شیخ رشید احمد نے کہا ہے کہ ایم ایل ون منصوبے کی توسیع اور تعمیرنو سے ملک کے ٹرین کے نظام کو بہتر بنانے میں مدد ملے گی۔

ایک پرائیویٹ نیوز چینل پر گفتگو کرتے ہوئے انہوں نے کہا کہ اس سے مسافروں کو آرام دہ سفر فراہم کرنے کے علاوہ مسافروں کو مزید سہولتیں فراہم کرنے میں مدد ملے گی۔

ایک سوال کے جواب میں انہوں نے کہا کہ ریلوے کو گزشتہ ایک سال کے عرصے کے دوران دس ارب روپے کی آمدن حاصل ہوئی ہے جبکہ مسافروں کی تعداد میں بھی نمایاں اضافہ ہوا ہے۔

موجودہ مہنگائی اور دیگر مسائل کے بارے میں انہوں نے کہا کہ سرکاری پیسے کے غلط استعمال کی وجہ سے لوگوں کو اقتصادی بحران کے علاوہ گیس اور توانائی کے شعبے میں وسائل کی کمی کا سامناہے۔

ریلوے کے وزیر نے کہا کہ حکومت معیشت کو ترقی دینے کے علاوہ تمام اداروں کے نظام کو بہتر بنانے کے لئے مختلف اقدامات کر رہی ہے۔