بلوچستان کے وزیر مواصلات عارف جان محمد حسنی نے آج کوئٹہ میں اعلی سطح کے ایک اجلاس میں نئے ترقیاتی منصوبوں پر کام کی رفتار کا جائزہ لیا۔اجلاس وزیراعلی میر جام کمال خان کی خصوصی ہدایات کے تحت منعقد ہوا جس میں نئے مالی سال 2019-20کے بجٹ میں شامل نئے ترقیاتی منصوبوں پر کام کی رفتار کا جائزہ لیا گیا۔اجلاس کے شرکاء نے تمام نئے ترقیاتی منصوبوں کے پی سی ون کی بروقت تکمیل یقینی بنانے کا فیصلہ کیا تاکہ نئے مالی سال کے لئے منظور کردہ منصوبوں پر کام کا جلد آغاز کیا جاسکے۔