شہنشاہ غزل مہدی حسن خان کی ہفتہ کے روز آٹھویں برسی منائی گئی۔وہ اٹھارہ جولائی انیس سوستائیس کوبھارت میں پیدا ہوئے۔انیس سوستاون میں انہیں ریڈیوپاکستان پرنغمہ سرائی کاموقع ملا۔ انہوں نے ٹھمہری گلوکار کے طورپراپنے کیریئرکی ابتدا کی۔فن موسیقی کے شعبے میں گرانقدرخدمات پرحکومت پاکستان نے انہیں نشان امتیاز ،تمغہ امتیاز، تمغہ حسن کارکردگی اورہلال امتیاز سمیت کئی اعزازات دیئے۔انہوں نے اپنے موسیقی کے کیریئرمیں تین سوسے زائدفلموں کے لئے نغمات گائے۔مہدی حسن دوہزاربارہ میں آج کے دن طویل علالت کے بعد کراچی میں انتقال کرگئے۔