شہنشاہ غزل مہدی حسن خان کی ساتویں برسی جمعرات کے روز منائی گئی۔
وہ اٹھارہ جولائی 1927ء کو بھارت میں پیدا ہوئے۔ انہیں 1957ء میں ریڈیو پاکستان میں ابتدائی طور پر ٹھمری گانے کا موقع ملا۔حکومت پاکستان کی جانب سے انہیں نشان امتیاز، تمغہ امتیاز، تمغہ حسن کارکردگی اور ہلال امتیاز سمیت کئی اعزازات سے نوازا گیا۔انہوں نے اپنے فنی سفر کے دوران تین سو سے زائد فلموں کے لئے نغمے گائے۔مہدی حسن تیرہ جون 2012ء کو طویل علالت کے بعد کراچی میں انتقال کر گئے تھے۔