پشاور ہائی کورٹ کے ڈویژنل بنچ نے وزیراعلی خیبرپختونخوا کے تین مشیروں اور دو خصوصی معاونین کی تقرری کے بارے میں صوبائی حکومت کے حکم نامے کو آج معطل کردیا ۔بنچ جسٹس اکرام اﷲ اور جسٹس مسرت ہلالی پرمشتمل تھا ۔عدالت نے صوبائی حکومت کو ہدایت کہ کہ وہ اس سلسلے میں جواب اگلے ماہ کی اکتیس تاریخ تک جمع کرائے ۔خصوصی معاونین اور مشیروں کی معطلی کی درخواست خیبرپختونخوا اسمبلی میں عوامی نیشنل پارٹی کے رکن خوش دل خان نے دی تھی ۔