ممتاز بھارتی صحافی  چنچل منوہرسنگھ  نے جو بیساکھی میلے میں شرکت کیلئے پاکستان میں ہیں کہا ہے کہ  وزیراعظم عمران خان اور بری فوج کے سربراہ جنرل قمر جاوید باجوہ کے کرتار پور راہداری کھولنے کے اقدام سے دنیا بھر کی سکھ برادری کے درمیان خوشی کی لہر دوڑ گئی ہے ۔

آج ریڈیوپاکستان کے خبروں اور حالات حاضرہ کے چینل کے پروگرام میں اظہار خیال کرتے ہوئے  انہوں نے اس اعتماد کا اظہار کیاکہ حکومت پاکستان کی دلچسپی کومدنظر رکھتے ہوئے کرتار پور راہداری منصوبے پرکام دئیے گئے مقررہ وقت میں مکمل کیاجائے گا ۔

چنچل منوہر سنگھ  پاکستان کی طرف سے بیساکھی میلے کیلئے کئے گئے انتظامات کوسراہا ۔

انہوں نے ریڈیوپاکستان کی نشریات میں سکھوں کی مذہبی رسومات کواجاگرکرنے کو بھی سراہا ۔