ممتاز مذہبی دانشور مفتی منیب الرحمان نے کہا ہے کہ بھارتیہ جنتا پارٹی کی قیادت مسلمانوں اور دوسری اقلیتوں کو بھارت کی شہریت سے محروم نہیں کرسکتی کیونکہ وہ گزشتہ کئی دہائیوں سے بھارت میں رہائش پذیر ہیں۔ریڈیوپاکستان کے خبروں اور حالات حاضرہ کے چینل کو آج ایک انٹرویو میں انہوں نے بھارتیہ جنتا پارٹی کے مسلمانوں اور دوسری اقلیتوں کے خلاف روئیے کی سخت مذمت کی۔مفتی منیب الرحمان نے کہاکہ بھارت میں انتہاپسند عناصر مختلف مذاہب کے پیروکاروں کو ایک دوسرے کے خلاف اکسانے پرتلے ہوئے ہیں۔انہوں نے اقوام متحدہ سمیت عالمی برادری پر زوردیا کہ وہ بھارت پر دبائو ڈالے کہ وہ مسلمانوں سمیت دوسری اقلیتوں کے خلاف اقدامات بند کرے ۔