گلگت بلتستان کے وزیراعلیٰ حافظ حفیظ الرحمن نے علاقے کے ہسپتالوں کی حالت بہتر بنانے کےلئے 50 کروڑ روپے مالیت کی جدید مشینری خریدنے کی منظوری دی ہے۔

 آج گلگت میں محکمہ صحت کے اجلاس کی صدار ت کرتے ہوئے انہوں نے متعلقہ حکام کو ہدایت کی کہ وہ پیپرا قواعدو ضوابط کے مطابق آلات خریدیں اور مریضوں کی سہولت کےلئے ہسپتالوں میں نصب کریں۔

 آلات میں ڈائیلیسز، الٹرا ساونڈ، انڈو سکوپی اورسٹی سکین مشینیں شامل ہیں۔

حافظ حفیظ الرحمن نے حکام کو ہسپتالوں کے دورے کرنے اور عملے کی ہر قیمت پر حاضری یقینی بنانے کی بھی ہدایت کی۔