بری فوج کے سربراہ جنرل قمرجاوید باجوہ نے افغانستان میں پیدا ہونے والی صورتحال خصوصاً انسانی بحران سے نمٹنے کیلئے عالمی سطح پر کوششوں پر زور دیا ہے۔
وہ پاکستان کے لئے امریکہ کی ناظم الامور Angela Aggeler سے گفتگو کر رہے تھے جنہوں نے آج(جمعرات) راولپنڈی میں ان سے ملاقات کی۔ملاقات میں باہمی دلچسپی کے امور، افغانستان سمیت علاقائی سلامتی کی صورتحال اور مختلف شعبوں میں دوطرفہ تعاون کے بارے میں تبادلہ خیال کیا گیا۔امریکی ناظم الامور نے علاقائی امن اور استحکام کے لئے پاکستان کے کردار اور کوششوں کو سراہا۔