امریکی ایوان نمائندگان نے205کے مقابلے میں223ووٹوں سے ایک قرارداد منظور کی ہے جس میں گزشتہ ہفتے کیپیٹل ہل کے پرتشدد محاصرے کے تناظر میں آئین کی 25ویں ترمیم کے تحت صدر ڈونلڈ ٹرمپ کو عہدے سے ہٹانے کا مطالبہ کیاہے ۔ اس سے پہلے نائب صدر MIKE PENCE نے ایوان نمائندگان میں رائے شماری سے کچھ دیر قبل جاری کئے گئے ایک خط میں واضح کیا کہ ان کا صدرٹرمپ کو ہٹانے کے لئے 25ویں ترمیم کے تحت اختیارات استعمال کرنے کا کوئی ارادہ نہیں ہے۔ ایوان میں ڈیموکریٹک پارٹی کے ارکان صدر ٹرمپ کے مواخذے کے لئے کل رائے شماری کا ارادہ رکھتے ہیں ۔