دفترخارجہ کے ترجمان ڈاکٹرمحمدفیصل نے کہا ہے کہ امریکہ اورپاکستان کو مسائل کے حل اور پیش رفت  کیلئے سفارتکاری میں مشترکہ مواقع تلاش کرنے کی ضرورت ہے۔ایک انٹرویو میں انہوں نے کہاکہ پاکستان نے امریکہ کو اپنے شدید تحفظات سے آگاہ کیا ہے جنہیں تعلقات میں پیشرفت کیلئے دور کرنے کی ضرورت ہے۔ترجمان نے کہاکہ پاکستان اور امریکہ ' افغانستان میںامن کیلئے اہداف حاصل کرناچاہتے ہیں اور اس مقصد کیلئے مشترکہ مواقع تلاش کرنا ہوںگے۔ڈاکٹرمحمد فیصل نے کہاکہ پاکستان کو افغانستان کی سرزمین سے حملے کرنے والے عناصر کے باعث شدید مسائل کاسامنا ہے۔انہوں نے کہاکہ پاکستان نے امریکہ سے کہا ہے کہ وہ پاکستان میں افغان پناہ گزینوں کے معاملے کے حل میں مدد دے۔