گلگت بلتستان کے وزیر اعلیٰ حافظ حفیظ الرحمن نے کہا ہے کہ حکومت علاقے کے تمام اضلاع کی تیزی سے ترقی کیلئے پرعزم ہے۔ان خیالات کا اظہار انہوں نے دیامیر' استور' جگلوٹ اور دوسرے علاقوں سے تعلق رکھنے والے مختلف وفود سے گفتگو کرتے ہوئے کیا جنہوں نے ان سے گلگت میں ملاقات کی۔وزیر اعلیٰ نے کہا کہ گلگت بلتستان کے عوام کو ان کی دہلیز پر سہولتوں کی فراہمی کے لئے مختلف ترقیاتی منصوبوں پر اربوں روپے خرچ کیے جارہے ہیں۔