وزیر اعظم آزاد کشمیر سردار عبد القیوم نیازی نے بین الاقوامی طور پر تسلیم شدہ کشمیری عوام کے حق خودارادیت کیلئے اقوام متحدہ کی قراردادوں پر عمل درآمد کی ضرورت پر زور دیا ہے تاکہ وہ اپنے مستقبل کا فیصلہ کرسکیں۔اسلامی تعاون تنظیم کے اعلیٰ سطح کے ایک وفد سے جسکی قیادت تنظیم کے سیکرٹری جنرل کے جموں و کشمیر کے بارے میں خصوصی نمائندہ کر رہے تھے ،مظفر آباد میں ملاقات کے دوران انہوں نے کہا کہ بھارت اقوام متحدہ کی قرادادوں پرعمل در آمد میں سب سے بڑی رکاوٹ ہے۔
