مقبوضہ کشمیر میں بھارت کی طرف سے سکیورٹی کے نام پر نافذ کرفیو آج مسلسل 100ویں روز بھی برقرار ہے جس کے باعث صورتحال بدستور سنگین ہے۔
کشمیر میڈیا سروس کے مطابق علاقے میں بڑی تعداد میں بھارتی فوجی تعینات ہیں اور مقبوضہ علاقے میں تمام مقامات پر انٹر نیٹ، ایس ایم ایس اور پری پیڈ موبائل سروس مکمل طور پر بند ہے۔
ادھر بھارت کی طرف سےیکطرفہ طورپر مقبوضہ جموں و کشمیر کو بھارت کا حصہ قرار دینے کے بعد اب اہم عمارتوں، ہسپتالوں، ہوائی اڈوں اور کرکٹ سٹیڈیمز کو آر ایس ایس اور بھارتیہ جنتا پارٹی کے رہنماوں کے ناموں سے منسوب کرنے کی منصوبہ بندی کی جارہی ہے۔