لاہور ہائیکورٹ نے سابق وزرائے اعظم نواز شریف اور شاہد خاقان عباسی اور ڈان کے رپورٹر سرل المیڈا کے خلاف غداری کا مقدمہ چلانے سے متعلق دائر درخواست پر سماعت اس ماہ کی 19 تاریخ تک ملتوی کردی ہے۔
نواز شریف، شاہد خاقان عباسی اور سرل المیڈا آج لاہور ہائیکورٹ کے فل بنچ کے روبرو پیش ہوئے۔
لاہور ہائیکورٹ کے چیف جسٹس انوار الحق کی سربراہی میں تین رکنی بنچ نے مقدمے کی سماعت کی۔
سماعت کے دوران ڈپٹی اٹارنی جنرل بنچ کے روبرو پیش ہوئے اور مقدمے میں عدالت کی معاونت کی۔