گیانامیں آئی سی سی ویمن ورلڈ ٹی ٹونٹی گروپ بی کے ایک میچ میں بھارت نے پاکستان کو سات وکٹوں سے ہرادیا جبکہ چھ گیندوں کا کھیل ابھی باقی تھا۔
بھارت کی خواتین کی ٹیم نے ٹاس جیت کرپہلے فیلڈنگ کافیصلہ کیا ۔پاکستان کی ٹیم نے مقررہ بیس اوورز میں سات وکٹوں کے نقصان پر بھارت کو جیت کے لئے ایک سوچونتیس رنز کاہدف دیا۔پاکستان کی بسمہ معروف53 اورنداڈار 52رنز بناکرنمایاں کھلاڑی رہیں۔بھارت کی ٹیم نے مطلوبہ ہدف تین وکٹوں کے نقصان پرانیس اوورز میں حاصل کرلیا۔بھارت کی میتھالی راج کو میچ کابہترین کھلاڑی قراردیاگیا۔