صدرڈاکٹرعارف علوی نے ڈیٹاسیکیورٹی یقینی بنانے کے لئے انفارمیشن ٹیکنالوجی کے شعبے کو یورپی اورامریکی معیارات کے مطابق بہتربنانے کی ضرورت پرزوردیاہے۔اسلام آباد میں بیرون ملک مقیم سرمایہ کاروں کے ایوان صنعت وتجارت کے ایک وفد سے گفتگو کرتے ہوئے انہوں نے اپنی پیداواری گنجائش میں حائل رکاوٹوں کو دور کرنے کے لئے انفارمیشن ٹیکنالوجی کے شعبے میں ون ونڈوآپریشن کی اہمیت واضح کی۔انہوں نے کہاکہ کاروباری برادری کو چاہیے کہ وہ اس سلسلے میں مختلف اداروں کے اشتراک سے موجودہ بنیادی ڈھانچے میںجدیدرجحانات متعارف کرائے۔صدرنے کہاکہ حکومت نے کاروباری سرگرمیوں کے فروغ کے لئے موثرپالیسیاں وضع کی ہیں اور انفارمیشن ٹیکنالوجی کے شعبے سے وابستہ ماہرین کوان پالیسیوں سے فائدہ اٹھاناچاہیے۔