گلگت بلتستان کے گورنر راجہ جلال حسین نے کہا ہے کہ چیف کورٹ اور ماتحت عدالتیں لوگوں کو فوری انصاف کی فراہمی میں اہم کردار ادا کر رہی ہیں۔
انہوں نے یہ بات اتوار کے روز چیف کورٹ گلگت آفس کے دورے کے موقع پر گلگت بلتستان کے چیف جج ملک حق نواز سے گفتگو کرتے ہوئے کہی۔گورنر نے کہا کہ کورونا وائرس کی وبا کے دوران چیف کورٹ اور ماتحت عدالتوں کے دفاتر کی کارکردگی مثالی رہی ہے۔اس سے پہلے گورنر کو عدالت کی کارکردگی اور ترقیاتی سرگرمیوں کے بارے میں بریفنگ دی گئی۔