پاکستان نے امن ، ترقی اور خوشحالی کے اہداف کے حصول کیلئے شنگھائی تعاون تنظیم کے رکن ملکوں کے درمیان باہمی تعاون بڑھانے پر زوردیا ہے ۔
یہ بات وزیرخارجہ شاہ محمود قریشی نے آج تیسرے پہر دوشنبے میں شنگھائی تعاون تنظیم کے سربراہان حکومت کی کونسل کے اجلاس سے خطاب کرتے ہوئے کہی ۔
وزیرخارجہ نے کہاکہ پاکستان رکن ملکوں کے درمیان باہمی تعاون کیلئے بھرپور کردارادا کرنے کیلئے پرعزم ہے ۔
انہوں نے کہاکہ عالمی تجارت اور ترقی کے فروغ کیلئے امن ناگزیر ہے ۔