Monday, 10 August 2020, 05:09:27 am
حکومت کا ملک بھر میں انسداد پولیو مہم دوبارہ شروع کرنے کا فیصلہ
July 12, 2020

ملک بھر میں اس ماہ کی بیس تاریخ سے انسداد پولیو کے قطرے پلانے کی مہم کا پھرسے آغاز ہوگا۔
کرونا وائرس کی وجہ سے گزشتہ چار ماہ سے تعطل کا شکار تھی۔
قومی ہنگامی امدادی مرکز کے ایک اہلکار نے بتایا ہے کہ حکومت نے منتخب ضلعوں میں چھوٹے پیمانے پر گھر گھر جاکر انسداد پولیو مہم کا آغاز کیا ہے۔
انہوں نے کہا کہ مہم کے پہلے مرحلے میں ضلع فیصل آباد' اٹک' جنوبی وزیرستان اور کراچی اور کوئٹہ کے کچھ حصوں میں مہم کا آغاز کیا جائے گا جس میں پانچ سال سے کم عمر کے تقریباً آٹھ لاکھ بچوں کو انسداد پولیو کے قطرے پلائے جائیں گے۔
مہم کے دوبارہ آغاز کے لائحہ عمل کو قومی ٹیم نے صوبوں سے مشاورت کے بعد ترتیب دیا اور گزشتہ مہینے پاکستان میں پولیو کے خاتمے کے بارے میں تکنیکی مشاورتی گروپ کے اجلاس میں پیش کرنے کے بعد اس کی منظوری دی گئی اور تیزی سے حفاظتی اقدامات کرنے کی ہدایت کی گئی۔
اس لائحہ عمل میں اگست اور ستمبر میں بڑے پیمانے پر اور رواں سال کی آخری سہ ماہی میں قومی سطح پر انسداد پولیو کے قطرے پلانے کی تین مہم چلانے کا منصوبہ بھی شامل ہے۔