ایران نے برطانیہ پرزور دیا ہے کہ وہ گزشتہ ہفتے برطانوی شاہی بحریہ کی طرف سے پکڑے گئے اس کے سپر ٹینکر کو فوری طورپر چھوڑ دے۔
ایرانی وزارت خارجہ کے ترجمان کے مطابق ٹینکر کو تحویل میں رکھنے کےلئے قانونی جواز تراشنا مناسب نہیں ہے اور ٹینکر کو چھوڑ دینا ہی تمام ملکوں کے مفاد میں ہے۔
اس سے قبل ایران نے اس بات کی تردید کی تھی کہ اس کی بحریہ نےملک کے جنوبی حصے کے سمندر میں برطانوی تیل بردار ٹینکر کو روکنے کی کوشش کی تھی۔