پاکستان تحریک انصاف کے رکن قومی اسمبلی صداقت علی عباسی نے کہا ہے کہ پی ٹی آئی کی حکومت بدعنوانی برداشت نہیں کرے گی کیونکہ یہ پارٹی کے منشور کا اہم حصہ ہے۔ ریڈیو پاکستان کے خبروں اور حالات حاضرہ کے چینل کو انٹرویو میں انہوں نے کہا کہ وزیراعظم عمران خان نے واضح بیان دیا ہے کہ حکومت کسی بدعنوان اور لوٹ مار کرنے والوں کو این آر او نہیں دے گی۔ انہوں نے کہا کہ معاشی استحکام اور غریبوں کے حقوق کا تحفظ تحریک انصاف کی حکومت کی اولین ترجیحات ہیں۔