سپریم کورٹ کراچی رجسٹری نے کراچی اور حیدرآباد میں بجلی کی لوڈشیڈنگ سے متعلق مقدمے کی سماعت کی ہے ۔چیف جسٹس ثاقب نثار نے کے الیکٹرک اور حیسکو کی کارکردگی پربرہمی کااظہارکیا ۔چیف جسٹس نے حیسکو کے سربراہ کو ہدایت کی کہ لوڈشیڈنگ کے خاتمے کیلئے جامع منصوبہ وضع کیاجائے ۔ادھر چیف جسٹس نے کراچی میں بارہ مئی 2007ء کوہونے والے تشدد کے مقدمے کا ریکارڈ طلب کیا ہے جس میں دو درجن سے زائد افراد جاں بحق اور درجنوں زخمی ہوئے تھے ۔اس سے پہلے کراچی رجسٹری میں بارہ مئی کو تشدد کے واقعات میں جاں بحق ہونے والوں کیلئے فاتحہ خوانی کی گئی ۔