پنجاب کے وزیراعلیٰ سردار عثمان بزدار نے کہا ہے کہ صوبے کی دیہی آبادی کی سہولت کےلئے نیا پاکستان منزل آسان کے تحت شاہرایں تعمیر کی جائیں گی۔
آج لاہور میں ایک اجلاس سے خطاب کرتے ہوئے انہوں نے کہا کہ سرکاری و نجی شراکت داری کے تحت میانوالی سے چکوال تک دو رویہ شاہراہ تعمیر کی جائے گی۔
انہوں نےکہا کہ اوکاڑہ، کبیر والا اور خانیوال کو بھی رابطہ سڑکوں کے ذریعے موٹروے ایم فور سے منسلک کیاجائے گا۔