مقبوضہ کشمیر کے ضلع اسلام آباد میں بھارتی فوج کے ہاتھوں تین نوجوانوں کی شہادت کےواقعے کے خلاف آج بڑے پیمانے پر جھڑپیں شروع ہوگئیں۔
اسلام آباد اور کوکر ناگ کے علاقوں میں نوجوان سڑکوں پر نکل آئے اور زبردست مظاہرے کئے۔
گاندربل کے ڈپٹی کمشنر ڈاکٹر پیوش سنگلا نے عیسیٰ فضیلی جو سرینگر کے نزدیکی علاقے صورہ کا رہائشی تھا ، کی شہادت کے تناظر میں تعلیمی ادارہ بند کرنے کا حکم دیا۔
ادھر انتظامیہ نے حریت فورم کے چیئرمین میرواعظ عمر فاروق کو ان کی نگین کی رہائشگاہ پر نظر بند کردیا اور جموں و کشمیر لبریشن فرنٹ کے چیئرمین محمد یٰسین ملک کو ان کی رہائشگاہ سے گرفتار کر لیا جس کا مقصد ان رہنماوں کو مظاہروں کی قیادت سے روکنا تھا۔
محمد یٰسین ملک کو سرینگر کے کوٹھی باغ پولیس سٹیشن میں رکھا گیا ہے۔
