وزیراعظم عمران خان نے تشدد اور انتہاپسندی کے خاتمے کے لئے جامع علاقائی تعاون کی ضرورت پر زور دیا ہے۔وہ دہشت گردی کے خلاف اسلامی فوجی اتحاد کے کمانڈر انچیف جنرل ریٹائرڈ راحیل شریف سے گفتگو کر رہے تھے۔وزیراعظم نے ملک میں پائیدار امن و استحکام کے قیام کے عزم کا اعادہ کیا۔ انہوں نے کہا کہ پاکستان علاقائی امن کے لئے تمام اقدامات کی حمایت کرتا ہے۔انہوں نے علاقائی سلامتی کی صورتحال اور امن اور استحکام کی کوششوں پر بھی تبادلہ خیال کیا۔