مواصلات اور محکمہ ڈاک کے وزیر مراد سعید نے کہا ہے کہ پاکستان پوسٹ کو خسارے سے نکالنے اور اسے ایک منافع بخش ادارہ بنانے کے لئے موثر اقدامات کیے جارہے ہیں۔
ہفتے کے روز اسلام آباد میں ایک نیوز کانفرنس سے خطاب کرتے ہوئے انہوں نے کہا کہ پاکستان پوسٹ آفس نے ایکسپورٹ پارسل سروس کا آغاز کیا ہے جس سے72 گھنٹے میں ٹریکنگ کی سہولت کے ساتھ پارسل پہنچانے کے عمل کو یقینی بنایا جائے گا۔
مراد سعید نے کہا کہ ہم چھوٹے کاروباری افراد کے لئے کاروبار کرنے میں آسانی یقینی بنانے کیلئے پرعزم ہیں۔