امریکہ نے کہاہے کہ وہ ایران کے خلاف پابندیوں کے دوبارہ نفاذ کے بعد ایرانی تیل کے خریداروں کو مزید کوئی رعایت نہیں دے گا ۔ایران کے بارے میں امریکہ کے خصوصی نمائندے برائن ہک نے ابوظہبی میں ایک نیوز کانفرنس میں بتایا کہ پہلے دی جانے والی رعایت کی وجہ تیل کی قیمتوں میں اضافہ روکنا تھا ۔امریکہ نے گزشتہ سال نومبر کو ایرانی تیل پرپابندیاں دوبارہ عائد کرنے کے بعد ایرانی تیل کے آٹھ روایتی خریداروں کو چھوٹ دی تھی جن میں چین، بھارت ، جاپان اور جنوبی کوریا شامل ہیں۔