File Photo
امریکہ پولینڈ میں مشرق وسطیٰ خصوصاً ایران سے متعلق ایک عالمی کانفرنس کی میزبانی کریگا۔ایک انٹرویو میں امریکی وزیرخارجہ مائیک پومپیو نے کہاکہ کانفرنس میں مشرق وسطیٰ کے استحکام ، امن ، آزادی اورسلامتی پرتوجہ دی جائے گی۔پومپیو جو مشرق وسطیٰ کے آٹھ روزہ دورے پرہیں کہاکہ کانفرنس میں دنیابھرسے درجنوں ممالک شرکت کرینگے۔پومپیو نے کہاکہ امریکہ صدرڈونلڈٹرمپ کے شام سے امریکی فوج کے انخلاء کے فیصلے کے باوجود داعش کے خلاف جنگ کے لئے پرعزم ہے۔