ایران نے پولینڈ میں ہونے والے آئندہ سربراہ اجلاس پر افسوس کا اظہار کیا ہے جس کا مقصد ایران پر دبائو بڑھانا ہے ۔ایران کے وزیرخارجہ جواد ظریف نے ٹوئٹر پرکیا ہے کہ وہ افراد جنہوں نے امریکہ کے ایران مخالف آخری مظاہرے میں شرکت کی تھی یاتو وہ مرچکے ہیں بے عزت ہوئے یا پھرپسماندگی کا شکار ہیں جبکہ ایران پہلے سے زیادہ مضبوط ہے ۔اس سے پہلے امریکہ کے وزیرخارجہ مائیک پومپیو نے اعلان کیا کہ امریکہ اور پولینڈ مشترکہ طورپر ایران کے خصوصی حوالے سے وارثا میں وزارتی سطح کا اجلاس منعقد کریںگے جس کا مقصد مشرق وسطی میں امن اور سلامتی کو فروغ دینا ہے۔