وزیراعظم شاہد خاقان عباسی نے نے کہا ہےکہ حکومت ملک کے دور دراز علاقوں میں براڈبینڈ انٹرنیٹ کی سہولت کی فراہمی کیلئے کوشاں ہے تاکہ سماجی واقتصادی ترقی کی رفتار کو تیز کیا جاسکے۔وہ جمعہ کو اسلام آباد میں وفاق کے زیرانتظام قبائلی علاقوں کے 5896دیہات کو براڈبینڈکی سہولت کی فراہمی کے حوالے سے معاہدے پردستخطوں کی تقریب سے خطاب کررہے تھے۔وزیراعظم شاہدخاقان عباسی دستخطوں کی تقریب میں مہمان خصوصی تھے۔
وزیراعظم نے انفارمیشن ٹیکنالوجی اورٹیلی مواصلات کی وزارت کو ہدایت کی کہ دوردرازعلاقوں میں انفارمیشن ٹیکنالوجی اورٹیلی مواصلات کی خدمات کی ترجیحی بنیاد پر فراہمی کیلئے یونیورسل سروس فنڈ کے تحت فراہم کئے جانیوالے فنڈز کو بروئے کارلایاجائے۔اس منصوبے کامقصد علاقے کی دیرپاترقی کو یقینی بنانا ہے اوراس سے خیبراورمہمندایجنسی کے علاوہ ڈیرہاسماعیل خان کے علاقوں کوفائدہ پہنچے گا۔
تقریب میں انفارمیشن ٹیکنالوجی اورٹیلی کمیونیکشن کی وزیر مملکت انوشہ رحمان کے علاوہ دیگر شخصیات نے شرکت کی۔