بین المذاہب ہم آہنگی کے خصوصی نمائندے حافظ محمد طاہر محمود اشرفی نے جمعہ کے روز اسلام آباد میں وزیراعظم عمران خان سے ملاقات کی۔
انہوں نے اسلام کے خلاف منافرت پھیلانے اور کورونا کے خلاف آگاہی مہم میں علمائے کرام کی شمولیت سے متعلق امور پر تبادلہ خیال کیا۔وزیراعظم نے اس موقع پر کہا کہ عالمی سطح پر اسلام کے خلاف منافرت پھیلانے اور حضرت محمدۖ خاتم النبیین کے تقدس کے حوالے سے حساسیت اجاگر کرنا اسلام کی اصل خدمت ہے۔انہوں نے کہا کہ پاکستان میں تمام مذاہب کے پیروکاروں کو مساوی حقوق حاصل ہیں۔