بلوچستان کے وزیراعلیٰ میر جام کمال نے کہا ہے کہ حکومت صوبے میں طلبا کو تعلیم کی تمام جدید سہولیات کی فراہمی کے لئے کوششیں کررہی ہے۔
وہ آج کوئٹہ میں نوجوانوں کومتحرک بنانے کی مہم کے تحت صوبے کے مختلف علاقوں کے طلبا میں لیپ ٹاپس تقسیم کرنے کی تقریب سے خطاب کررہے تھے۔
انہوں نے کہا کہ لیپ ٹاپس تقسیم کرنے کا مقصد طلبا کی صلاحیتوں میں مزید نکھار لانا ہے۔
انہوں نے اساتذہ پرزوردیا کہ وہ معیاری تعلیم کو فروغ دیں تاکہ نوجوانوں کو جدید دور کے چیلنجوں سے نمٹنے کے لئے تیارکیا جاسکے۔
