اسلام آباد کی احتساب عدالت نے سابق وزیراعظم نوازشریف کےخلاف العزیزیہ سٹیل ملز ریفرنس کی سماعت کل (جمعہ) تک ملتوی کردی ہے۔
جج محمد ارشد ملک ریفرنس کی سماعت کررہے ہیں۔
عدالت نے فلیگ شپ ریفرنس میں بیان قلمبند کرانے کےلئے مشترکہ تحقیقاتی ٹیم کے سربراہ واجد ضیا کو طلب کرلیا ۔
سماعت کے دوران نیب کے پراسیکیوٹر نے عدالت سے استدعا کی کہ وہ نوازشریف کا بیان ریکارڈ کرنے کےلئے تاریخ مقررکریں، سابق وزیراعظم کے وکیل خواجہ حارث نے نیب کے پراسیکیوٹر کی درخواست کی مخالفت کی۔