فیڈرل بورڈ آف ریونیو نے کہا ہے کہ کل تک انکم ٹیکس گوشوارے جمع کرانے والوں کی تعداد میں گزشتہ سال کے اسی عرصے کے مقابلے میں 55 فیصد اضافہ ہواہے۔

 ایف بی آر کے مطابق 2018 کے لئےاب تک چار لاکھ بیاسی ہزار 275 گوشوارے موصول ہوئے ہیں جبکہ 2017 میں اسی تاریخ تک تین لاکھ 12 ہزار سڑسٹھ گوشوارے موصول ہوئے تھے، اسی طرح موصول ہونے والے گوشواروں کی تعداد میں ایک لاکھ ستر ہزار دو سو آٹھ گوشواروں کا اضافہ ہوا ہے۔

 انکم ٹیکس گوشوارے جمع کرانے والوں کی تعداد میں اضافہ ٹیکس دہندگان کےموجودہ حکومت کی پالیسیوں اور ایف بی آر کے ای فائلنگ نظام کے استحکام پر اعتماد کا مظہرہے۔